Ek Ankahi Dastan

Wo palken jiske khwabon ko logon ne badi berahmi se kuchal di
Aur wo thaki hui aankhe jinke aansu kabka sukh chuke hain
Uski wo masoom sa dil jo har baar tut kar bikhar gaya
Wo bejaan jism jise logon ne khilona bana kar khela
Aur uski wo dastan jisse sunkar har ruh kaamp uthe ...

Ek wo pareenda jo udna chahti he khule aasman me
Magar pairo me hain zamane ke bedian
Uski wo payal jo chhanakne se darti he
Aur uski kajal jo har roz askon se pighal jati he
Uski har wo arman jo kabhi na pure ho paye ...

Uski wo daman jispe hamesha dag hi dag lage
Har wo saans uski jo akhri baar chhutne ki bheek mangti he
Wo uski dhadkan jo dhadakna bhul gaye
Uski har zakhm jo kabhi waqt ne bharne hi nehi dia
Aur har wo haalat uski jispe log sirf taras khate rahe ...

Uski wo bachpan jo kahin kho gayi waqt k gehirai me
Wo muskan jo uski honto ko alvida keh chuke hain
Uski ek nazar jo jane kya kya kehti jati he
Jo har kadam funk funk k rakhti he
Magar har baar thokar hi thokar khati he ...

Kuch jyada to nehi mangi thi usne jindgi se
Magar jaane kyun badle main jindgi ne uska sab kuchh manglia
Ae khuda kaisi hai ye sitam aur kyun di use ye saza
Ek wo aur ek uski ankahee dastan
Jo na kisine suna aur na kisine samjha ...